Search
  • Jamil Doaihi

كلود ناصيف حرب: هالورده الغريبه


يا طير الحمام،

قلو لحبيبي:

هالورده الغريبه

قطفتها من جنينة قلبي

ووديتها لبعيد...

خليه يزرعها عالمفارق

ويتذكرني كلما مرق عيد

وضحكت المواعيد...

وقلُّو لحبيبي انو حبيبي

مش لليوم ولا بكرا...

لزمان الخلود...

ونحا خلود الفكره.

فرحت فيك

وطرت بحالي

ولملمت شالي الحرير

اللي طار بالعالي

وقلبي طار بالفضا

والسما تسمع دقات قلبي...

قديش غنو إلك...

رح خبي كمشة فرح بعيوني

بخاف تشتي الدني

وتضيّع عنواني

ويلفّ الضباب بيتي وحياتي

وتهجر طيور الحب جنينتنا

ويغطي الورق الاصفر ضحكتنا

وتدبل وردة الحب

واغفى انا مع عتم الليل

وتنتهي قصّتنا...

من هيك رح ضل خبّي

بغابة الأماني صورتنا

حتى ضلّ شوفك كلّ يوم

وإفرح بعيونك أنا يا فرح قلبي

وضحكة ايامي

وعطر أحلامي

وقمر حكايتنا.

#كتاب

0 views