Search
  • Jamil Doaihi

كلادس القزي: جرح قلبي


كل ما اكتب حروف عا دفتر ذكرياتي بتذكرك كل ما غمض عيوني

بتذكرك كل يوم وكل دقيقه وكل فصول السنه الاربعه

بتذكرك... بالصيف انت شمس المحبه اللي عاكس عا حروفي بلمسك مع كل حرف بكتبو وبرسمك عا جرح قلبي... بالشتاء انت المطر اللي عا شباكي بنطرك مع كل نسمه هوا يمكن المحك... بالخريف رحت وما رجعت

متل وراق الشجر الأصفر وقلبي حزن عا فراقك

وفزع ما عاد يتلاقى معك... بالربيع معقوله ترجع وتزهر متل الورد والمحك راكض بالمرج الواسع حامل باقة زرار

وشال ابيض وتغمرني وما تتركني وتقلي : اشتقتلك يا بسمه روحي إنتي ما نسيتك ولا دقيقه وقديش حبيتك انا... انت حبيبي انا رح ضل احلم شوفك

راجع مع طيور السماء وما تكون متل البشر اللي راحو

وما بقى بدهن يرجعو وعدني انو رح نتلاقى شي نهار وما تبقى تبكيني وتجرحني

من فراقك يا حلو.

#كتاب

66 views