Search
  • Jamil Doaihi

كلود ناصيف حرب: إيه... وين الكلام؟


ايه وين الكلام؟

عا طول بسالك بس تكون ساكت

لانو كلامك مركب بيروح عا مطارح بعيدة...

يا سارق قلبي

وما حدا قبلك ولا بعدك...

وهلق ناطرتك

تا نشرب القهوة سوا...

قهوة مرّه

وبيحليها حضورك وشعورك. ..

ولا تنسى تشرب من عيوني اللي بتحب...

وبتقلي احلى عيون انتي

ونبض قلبي انتي...

وما فيي قول: هيك بحبك

لأني بكرا بدي حبك اكتر...

وبعد بكرا بدي حبك اكتر.

شفتك بمطرح...

بكل المطارح...

بقلبي وعيوني

بين الفكره والفكره

وبين مبارح وبكرا

وبين بكرا ومبارح.

قمر الصباح بيقلك صباح عيونك الحلوين...

وآخر احصاء للسكان: انت انت وانت .

ما بتطلع لورا...

بفتح الباب عا بحر....

عا سما اشعار

عالشجر الاخضر

عا قمر منور...

وهيك رح كفي المشوار.

#كتاب