Search
  • Jamil Doaihi

كلود ناصيف حرب: ليش الحب انتظار؟


نغمة حنين عيونك الحلوين

وانا بعزف عا وتر روحي

غنية حب واشواق ...

وبسال حالي كل ما تطلعت بصورتك:

ليش الحب عذاب وانتظار؟

وليش القدر خلاني حبك من بعيد

وعيش حياتي مقهوره؟

وكل ما قلت: هيك انا بحبك

بيصيرو دموعي برواز للصوره.

شي كلمه حلوة

مخبايه تحت شي مخدة؟

معلقه بخيط حلم؟

كلمة "بحبك" احلى من عمر

واغلى من قصر

واغمق من حنين الفجر.

لو ضعت بالغابة بلاقيك بعيوني.

يا ريت هالغابه ما فيها حدا

الا انا وحبيبي والصدى.

لا تخاف...

مش قلبك بيدلك

قلبي انا بيدلك...

وكل لحظه بيقول:

هلقد اشتقتلك.

شو بدي قلك

اكتر من كلمة اشتقتلك؟

قولك عم تسمعها مع طيور الحب والسلام؟

قولك عم بتشم عطرها

عا كتف وردة الأحلام؟

قولك عم ترسمها بعيوني

أغفا ونام اشتقتلك؟

يا حلو والخبر الاحلى

انك عطر الأنغام.

#كتاب

86 views