Search
  • Jamil Doaihi

كلود ناصيف حرب: كل دمعه حبّة لولو


لا يبكو عيونك...

كل دمعه حبة لولو...

رح اجمعهن

واعملهن عقد عا صدري

وعطرك الحلو رفيقي

واحلى من عطرك بكتير

حبك الحقيقي

وهيك بحبك.

ناطره عا مفرق كل طريق

يمرق طيفك الغالي واركض ليك

وضمك لقلبي

وقلك: لا تغيب عن دربي ضلك طلّ عليّي.

ما في صلا عا شفاف الرعيان

بتشبه صلا قلبي...

كل صبح بتطلّع بالسما

وبقول: تسلملي...

وما حدا غيرك بيوعيني

عا أحلام فيها عطر وزنابق

وبحر هادي...

كل يوم بحبك

وكل سنه بحبك

بأول نيسان وبآخر نيسان...

لأنو تيابك الربيع

وصوتك النهر

وحنينك عا شباكي

متل عصفور بيغني

وبيشلحلي ورده حمرا

وقمر البحيره بيحكيلي كلام عنك

وبيقلي: للموت بيحبك

للحياة بيحبك...

وإنت الربيع والشتي

وكل الفصول اللي فيها حب وحنين

وجمر عذاب وانتظار...

إنتي إنتي.

#كتاب

0 views