Search
  • Jamil Doaihi

كلود ناصيف حرب: كيف بهرب من حرمانك؟


قولك عيونك نغم

او صرخة بتجرحني؟

كيف بهرب من حرمانك

وبتخبا ورا نسيانك؟

لا تتخبى ورا النسيان

بخاف يسرقلك الليل

وتروح وتغيب...

تخبى بقلب الورده

وزورني مع كل نور جديد

وبيبشر بالمواعيد.

تخبيت بقلب الورده

ولقيتك انت انت انت

أحلى وردة عذاب وانتظار...

وما كنت عارفه انو الورد

فرحي وجرحي.

الورد لعندك وديت

هدية عطر وعنبر

وتاشوفك شو تمنيت...

هلق رجعت من مشوار بعيد...

كل الوقت ضحكتك عالشجر والسما والنهر...

يا ضحكه ما بتغيب

بترن متل جراس الضيع البعيده...

واللي معذبني اني ولا يوم بلمس ايدك بايدي...

وبالحنين بكتبلك قصيده.

وهيك بحبك.

هالطريق لوين بتودي؟

لنور صباحك...

لابتسامتك وصوتك...

البحر وشوشني وقلي:

حبيبك كتب اسمك عالموج...

من هيك عم غنّي

باسمك عم غنّي.

إنت فرحي وابتسامتي...

والليل مش اقوى من نور الافكار

وغيم الخريف

بيبشر بالورده

وهيك الفكره

لليوم وبكرا.

#كتاب

2 views0 comments