Search
  • Jamil Doaihi

كلود ناصيف حرب: أحلى ترتيله نبض قلبي


طريق الحنين ما بيخلص

ونحنا ناطرين.

روحي يا سنين

وارجعي يا سنين...

واللي بيبقى عا طول يبقى...

ولو كان القلب حزين.

بوسه من بعيد وديت ت توصل لعندك شو تمنيت ولو كانت باردة شو حبيت اخطفها من عتم الليل

تا يدفى قلبك...

وعلقها صوره بالبيت!

شو حلوه هالضحكهّ

قولك شو عم تحكي؟

احلى ترتيله نبض قلبي

وانت عم تضحك قبالي...

يا قمري الغالي.

هيدا مركب حنيني

لغندك بيوديني.

كتير زعلت بالابام الصعبه

ومن قلب الزعل بشوفك

وبفرح لانك بقلبي.

معنى كلمة حب

إنو تحب غيرك أكتر من نفسك

وتضحي وما تطلب شي بالمقايل

وإنك تفرح بفرح اللي بتحبو

ولو كنت حزين...

وإنك تتعذب عا غيابو

وتضل راضي

لأنو ما بتحب تزعل حبيبك

وتقشعو بالأحلام

وتغمرو بالأوهام

وتصلي إلو قبل ما تنام

وتحلف باسمو تا يخلصو الإيام.

#كتاب

1 view