Search
  • Jamil Doaihi

كلود ناصيف حرب: إنت بقلبي معبد


كل يوم بتغلى اكتر

مهما العمر يكبر...

يا احلى من الرسمه

يا ارق من النسمه

عالشجر الاخضر.

حلاوة روحك وقلبك

صوتك لبعيد بيودي

وبقشعك حدي

وانت مش حدي

وهيك بحبك.

نظراتك لبعيد

او خمرة ومواعيد...

من هون لهونيك بودي مرسال...

وبيناتنا بحر وجبال...

وتا المس ايدك بايدي

مش بالايد.

انت بقلبي معبد

والشموع مش رح تنطفي للابد.

البحر بيشبه ضحكة حبيبي

وكل موجه

وكل نسمه بيخبروني قديش بيحبني ...

وقديش بيشتقلي حبيبي...

قمر حلو طلع بالليل...

ما بيشبه القمر هالقمر

صار يمشي حد باب البيت.

سالتو: شو بدك؟

قلي: جايي تا اتامل عيونك الحلوين...

وتا قول مشتاقين

لا تسكري الباب

القمر ما بيحب الغياب...

حابب يسهر ليله عند الاحباب.

وهيك القمر سهر عنا ...

ومن وقتها الناس عم يحكو حكايتنا...

وكيف منخبي؟

والقمر ترك بوسه عا شفاف وردتنا...

كيف؟

بصليلك هلق

وكل ساعة

لانو محبتك صلا .

صباحك شمس وعبير الكلمات...

ونغم أحلى من غناني الطيور.

#كتاب

1 view