Search
  • Jamil Doaihi

كلود ناصيف حرب: صوتك سيمفونيه غميقه


شمعة قلب بينبض بالمحبه...

والشمعه بتدوب

وما بتنطفي...

وكل شهقة نور بتضوي طريقك.

عم فكر شو عم بيقول سكوتك؟

وقديش في اسرار مخبايه

ورا هالعيون؟

خبرني خبرني...

تا اربح المليون.

بيقولو صوت النهر حلو كتير

وصوت الموسيقى احلى...

وانت صوتك سيمفونية غميقة

كلها حنية...

ويا ريت انت قريب مني

تا قلك قديش انت غالي عليي

ياللي عيونك ليل وغنيه

وهيك عا طول بحبك.

ما عدت اعرف حالي من حالي كيف الدهر بيغرب آمالي بروح ع شط الأمان

تا ارمي همومي

بتغرّقني الموجه

وبيشرّدني الزمان لكن أنا رح إبقى

شمس مضويّه بالسما الزرقا

وكلماتي شجرة ياسمين

ونسمة عطر عالورقه.

#كتاب

3 views