Search
  • Jamil Doaihi

كلود ناصيف حرب: لمسة إيدك


رح ضل قلك اشتقتلك...

ولو ما كنت معك

قلبك هوي بيقلك

اني اشتقتلك.

مع زقزقة العصافير

احلى صباح صباحك ومع غروب الشمس

احلى نور نورك شفتك بمنامي مرتين مرة بالقلب ومرة بالعين إيديك بايدي

وشو حلوه همسة الإيدين.

من كم يوم ضيعت قمري لا طل ولا شفتو فتشت عنو وسألت وينو؟ خبْروني يا ناس وينو؟ والناس تطلّعو فيّي وقالو: حرام جنت هالصبية... تاري القمر بعيوني وأنا عم فتش عليه ومن وقتها ضلّيت مغمضه عيوني تا ما تهرب منّي

يا عيوني.

ما بيلتقيو الايدين...

والصوره مطبوعة

بالقلب والعين.

لمسة ايدك شو حلوه فيها رضا وحب ووفا بشوف الكون بعيونك

لما بتقلي

إنك اشتقتلي.

لمسة ايدك حنين الروح...

وبا ريت الحقيقة هيي حقيقه

ويا ريت جروحي

ما كانو جروح!

#كتاب

0 views