Search
  • Jamil Doaihi

كلود ناصيف رب: ضيّعت الكنزه الزرقا


ضيّعت الكنزه الزرقا

عالمقعد العتيق...

قالو الحرامي سرقها

رحت عالمخفر تشكّيت

ورساله للقاضي وديت

تاري حبيبي الحرامي...

وقلي بالمحكمه:

انا سرقت الكنزه

لانو فيها عطرك الغالي...

وكنت مشتاق اغمرك

يا قمري العالي...

ويمكن شي ليله

اسرق عيونك الحلوين

اللي ما بقشع فيهن غير حالي ...

وهيك بحبك.

الأحلى من كل النجوم

نور عيون حلوين...

هني سحر الأشعار

وغنية الأفكار.

يسلملي المشتاق...

قمر العشاق،

وهيك بحبو بحبو بحبو.

#كتاب

1 view