Search
  • Jamil Doaihi

كلود ناصيف حرب: الورده قالتلي


رح ضل شم رسايلك

واسكب عليها

عطر الحنين

تا تضل حدي

كل العمر...

وكل السنين.

زهره بيضا لقلبك

وزهرا حمرا لقلبك

يا قلب وسع الدني

بحبك قد ما في حبر عالورق

قد ما في عطر بالحبق

وقد ما في بالربيع

طيور ملونه.

بتشتي الدني عالورده؟

الورده مش حزينه...

يمكن عطشانه لحنين...

لعيون حلوين...

الورده قالتلي:

ما حدا بيقطفني

الا تنين مشتاقين

والعطر ما بيخلص...

ولو بكيو السنين.

همسة حنين

بتنسّيني عذاب الوقت

والساعات نسر جارح

عم يكبر فوق المطارح...

وانت يا حبيبي

والنجمه القريبه

وليله انا وانت تحت الشجر

ويْروحو الاحزان

ويضحك لنا قنديل القمر.

#كتاب

9 views