Search
  • Jamil Doaihi

كلود ناصيف حرب: متل المطر


نغمات حنين ما بيتعبو

من هون لعندك

تا يخبروك انو غيابك احزان السنين...

وانو عيوني عليك مشتاقين

انت قبل وبعد

وانت كل الغاليين.

وهيك بحبك.

في ناس قلال

بس نحبهن منعطيهن قلوبنا

وبس هني يروحو

او نحنا نروح

منعيش بدون قلب

وبدون روح.

فات حبيبي عالبيت

سرق قلام الكحل والحمره

وكتابي الجديد

وعي بيي

ولحقو بالباروده...

وتاني يوم أهلي سالوني

والدرك استجوبوني...

قلت: ما بعرف...

ونسيت انو حبيبي

ترك ورده حدّي

ونسي صورتو عالمخده.

متل المطر اللي بيصير بحيره هاديه

هيك صباحي هادي ورقيق

صباح الك...

وكل نغمة طير بتقول:

حبيبي ما اجملك.

#كتاب

3 views