Search
  • Jamil Doaihi

كلادس القزي: خبرني يا غايب


خبرني يا غايب اذا كنت عا بالك شو عملت بحالي ؟ وشو عملت بحالك ؟ كلامك الحلو بقي بقلبي ودمعه حنان عا ورقه وديت الي بعرف انك ما نسيتني رساله منك بتكفيني وغمره منك بتحييني ... بتكتب قصائد غزل قد بحور الدني بتكتب حروف عا وتر حنيه بيغرقو فيهن كل العاشقين وطيور البحر بيبقو عا النغم فرحانين... وكلمه حنونه الي بتنسى تكتب وبتغيب مع شمس المغيب وبتغرق بصدى الوادي البعيد . مرقت من يومين لقيت قدام البيت جنينه زغيره مزروع فيها ورد وياسمين تذكرت... كيف كنت تقطف الي ورده حمرا... تذكرت ... كيف كنت تزين شعري الطويل وشال ابيض تقدم هديه... تذكرت ... كيف كنت تغني الي ليالي وبصوتك الحنون نام فرحانه ... تذكرت ... طياره خيط كانت تطير بالفضا ونركض انا وانت بالمرج الواسع ... لكن بعد مده نسيت حبي الك رحت لبعيد وزعلتْ منك جنينه المواعيد... حتى القمر زعل منك ما عاد طل ولا عاد حن وغاب ورا الجبال العنيده... انا مين؟

وليش انا ؟ تا تنغرم فيي وترجع تتذكرني؟ بسأل حالي يوميه

والدمعه بعيني انا مش حدا

انا خيال

انا مش حقيقه انا بنت فقيره ساكنه ببيوت العتيقه بتعشق طلوع الفجر متل الشمعه بتدوب قدام عيونك... رحله ورا رحله بتغيب عا الطريق الطويله بين السما والعشب الأخضر... وسنه ورا سنه بتمضي لا التعب بيخلص ولا العمر بينتهي ولا حبك بقدر انسى ... ورح ابقى ناطره تا اتلاقى معك تا قلك قديش اشتقتلك وقديش حبيتك.

#كتاب

0 views