Search
  • Jamil Doaihi

الشاعرة جولييت انطونيوس: تحيّه إلى الجيش اللبناني


جينا التحيّة يا وطن نرفع

انت الكرامة من الشرف أرفع

عزّك برق والبرق ما بينطال

كفّك الريح انْ غضبتْ بتصفع...

غيم السما لجبينك مخدّه

حلم النجم عا بدلتك يطْلع

يعربش عا كتفك فوق ويهدّي

تا يضل صبح وليل عم يلمعْ.

قاتلت ظلم الأرض ما همّك

ثابت إيمانك بالأرض مزروع

بيحني جبل عا قفلتو ل كمّك

بفضلك بقي راس الأرز مرفوع

سلاحك كرامه ترابك الممنوع

درعك ضلوعك والوطن دمّك.

واقف بأرضك والاعادي كتار

من حولك البلدان عم تولع

دمّك زرع عتم الليالي بدار

فرّخ سما صار الوطن يوسَع

في جيش فوق وعالارض مغوار

حامل ترابو فوق زند الغار

خايف عا حبّة من الوطن توقع.

#كتاب

0 views