Search
  • Jamil Doaihi

مريم رعيدي الدويهي: أنا والمجهول


دخلتْ بالمجهول

وما عرفتْ الطريق لوين بيودّي

وصرتْ إمشي وإمشي...

تا تعبتْ وداخ العمر فيّي...

وكانو سرقوني الحراميّه...

قعدتْ تحت شجرة خريف

هربانه من الريح

مرَق خيّال قدّامي...

وسألني: منين جايي؟

ومين إنتي يا صبيّه؟

تخبّيت بتيابي من الخوف

وما قدرت ردّيت...

ضحكلي

وصار يحْكِيلي خبار

عن بلاد بعيده

فيها تلج ونار...

وقبل ما تلبس الضيعه

تياب العتمه الرماديّه

عرفت إنّو هيدا هوّي المجهول

ومتلي أنا

ما عندو بيت

ولا عندو هويّه.

#كتاب

0 views