Search
  • Jamil Doaihi

كلادس القزي: ناطره تحت شجرة ياسمينه


عند ما الليل بيبقى حزين بيقولو اهربي من الإيام القاسيين ما حدا بيمرق بالحي وما حدا بيسأل عن الحنين؟ ما في بشر عا الطرقات الطويله ولا السيارات فيها ركاب والعصافير بتطير هربانه والمحلات مسكره حزينه وانا بعتم الليل فزعانه وعم ارجف من الحراميه وناطره حبيبي يحميني وناطره تا يرد الي سنيني الجميله ... وبين الشجر المجرح والبيوت الحزينه تذكرت الالم وايّام الصبا تذكرت كيف ودعني حبيبي تركني وراح عا بلاد بعيده ... تا يشوف المدينه والبنايات الكبيره تا يدرس بالجامعة وياخد علامات عاليه... تا يتلاقى باصحاب يمكن اليوم بيبقو ويمكن بكرا بيطيرو ويمكن ما يعرفو شي عن الصداقة وينسو الوفا والبراءة وهونيك بيبقى حر ويمكن يدوق طعم المر... واذا كان مفكر انو ينسيني وما يسال عني بيكون غلطان ورح يبقى عشقان وبالحب غرقان ورح يرجع يتذكرني ورح يرجع يلاقيني أنا وناطره تحت شجره الياسمينه. تحيرت بعد مده طويله وما كنت اعرف شو بني؟ اشتقتلو كتير ويلي حبيتو غاب مع كمشه غبار يمكن اتلاقى معو شي نهار وارجع شوفو بقلب الدار .

#كتاب

12 views