Search
  • Jamil Doaihi

مريم رعيدي الدويهي: ما تعلّمت النوم بالكتُب


إلى الرجل الذي لم يتعلّم النوم...

إلى جميل الدويهي

كلّ الحصادين بيرجعو عالبيوت

من عشيه إلا إنت يا رفيق الليل والقمر عا تيابك قمح وصوتك بيادر... وإيدين مشتاقه تمسك إيدك تا تاخدها من العتم للنور... يا ناطورالزمان والقصر المسحور... بتتطلّع بالنهر وبتقول: هالنهر ما بيمشي لورا ويمكن ما بيروح لمطرح... وليش بيقولو مراكب السفر ما رح يرجعو؟... وإنت أسفارك غميقه وقنديلك بيضوي بهالليل العتيق... والحبر بيطلع من الشبابيك وبيضوي عالطريق... بيرسم حدّ البيوت صور ولاد راجعين من المدرسه وصورة إلك إنت وعم بتحيّط تياب للفكره وبيكرو الخيطان من هلق لبكرا... كل الناس بينامو وإنت ما بتعرف تنام... وبتقول: ما تعلمت النوم بالكتُب... وإذا بغفا يمكن خاف من الأحلام... وبيمرقو هيك الإيام وإنت عم تزرع ورد بالحقالي تا يتعبو الليالي وبتغني: "هالحقول وساع والدني بتساع"... ومكتوب عا جبينك إنك مارد الإبداع.

#كتاب

8 views