Search
  • Jamil Doaihi

كلود ناصيف حرب: لون الحنين من لون عيوني


مين قال حنين الروح ما إلو لون؟

لون الحنين من لون عيوني...

ومن عطر أشواقي عطر الربيع.

الحنين موسيقى القلب

وغيابك عني يا حبيبي

سيمفونيه حزينه...

وقدّيش بخاف تطُول معزوفة الغياب

والعمر عم يهرب فينا.

ضحكتي معزوفة نهاوند

والجمهور الحاضر

واحد لا غير

هوّي إنت.

الشمس والطريق

وحبّ سنين...

ورق الخريف بيغطي مطارحنا...

وما حدا بيعرف انا وانت

لوين هربنا بقلب الغابه

ووين متخبايين.

لأنّك حبيبي

وساكن بخيالي

بيلبقلك الدهب الغالي

وقمر الليالي.

الصباح اذا بيحكي

بيحكي عن الحنين

وبيبعت مرسال أرق من الموال...

لعيون حلوين...

وضحكه ياسمين...

وبيقلك: صباحك غالي

يا قمر العاشقين.

الورق الاصفر بيوقع

والزمن بيروح من إيدينا...

وبيكبر ومنكبر

ومنبقى انا وانت

هونيك مطرح اللي التقينا وحبّينا

بايام الطفوله

ومتل طفله زغيره...

بعيونها الحنين والغيره

رح ضل حبك.

كل فرح منك وإلك

وبتسألني:

هالنظرة من عيوني لمين؟

وهالوردات الحلوين

من خلود للخلود.

#كتاب

0 views