Search
  • Jamil Doaihi

الشاعر د. جميل الدويهي: يخبّرو الجيران


صَابيع فِضّه، خايف يْطقُّو...

من كم يوم الباب ما دَقّو

إلاّ لكي ما اشتقت بالمرّه

لا تجْرحي بالرمش والغرّه

وقلبي لأنو ضعيف… يتْوقّو.

عطرِك سرح عا شفّة الفنجان،

ومتلك أنا يا زغيّره، عطشان

تشرين برّا ضاع بالوديان...

وزرّ الورد من نظرتي هربان

غيري أنا مين بيسْتحقّو؟

في ناس قالو: مطرحِك مهجور

متل الكأنك خلف سبع بحور

وقالو: افترقنا من سنه وشهور

وما بيعرفو قديش عالمعبور

عم نلتقي... وشفافنا ازرقّو.

بلوم وعتب لا تعذبيني كتير

عم قطّب جْناحي تا فيّي طير

وعيونك اللي ما لهن تفسير

ما زالني بالحبّ طفل زغير

يْحنّو عا طفل زغير... ويرقّو.

اعطيني حديقَة زَهر من كِمّك

وضلّي امرقي عالبال تا ضمّك

ومعليش يعرف بيّك وإمّك

هالأحمر الهشْلان عا تمّك

بدْفع حياتي كلّها حقّو…

ويخبّرو الجيران… ويطقّو.

#كتاب

0 views