Search
  • Jamil Doaihi

كلادس القزي: الحق عالقمر


ليش الليل حزين والقمر غايب؟ لا تلومني حبيبي ولا تعتب عليي ...

الحق مش عليي

الحق عا القمر .... يمكن القمر تعبان من السهر... وعا فرشه حرير نايم... مرتاح وناسي يضوي الي طريقي ... الهئيه خجلان مني... ما بدو يحاكيني ولا يخبرني وينو حبيبي... وبقي كل الليل يجافيني... وبالغيم الأبيض متخبى عليي... وخبرتني العصفوره انو غيران عليي ومن حبيبي زعلان ... تذكرت الماضي اللي كلو حنيه... وتذكرت كيف كنت اتلاقى معو بفية شجرة عناب... وكان يقدملي ورده هديه.... وعندما كان يطل الاحلى من الامير... كان قلبي يخجل من جمالو... وتمنيت اني اغمرو وما اتركو وابقى كل سنين عمري انا وهوي... وما يعرف فينا حدا.

***

وقلت بقلبي : يمكن تختفي العتمه... والليل يهرب عا بلاد تانيه... بصير بشوف حبيبي كل يوم وخبرو قديش حبيتو انا... غرقت بالعتمه اكتر واكتر... وضعت بين ها الشجر... وإذا ما قدرت لاقي حبيبي بيخطفني أمير الغابه... فزعت كتير وصرت إترجى القمر تا يبقى... يا قمر ضوى الي طريقي ... ليش تأخرت عليي؟ حبيبي ناطرني... بدو يخبرني حكايه... لانو من زمان ما حكينا قصصنا... وتا نرجع نخبر أسرارنا، ببقى كل الليل سهرانه... أنا وهوي ونظرة حنيه... يا قمر حملني لحضن حبيبي... وما تزعل مني... وضلك ضوي بالعتمه ...

***

ركضت تا شوف حبيبي بها الغابه العنيده... وبين الورق الأصفر ما شفت طريقي... وبالعتمه لقيت حالي بقفص غميق... وكيف صار هيك ؟ انجرح قلبي... وصرت ابكي والشجر ما بيسمع... عاتبت القمر ... ليش بعدك مخبى ؟ وليش تركني وحيده ؟ بردانة بها الليل والعتمه تياب رقيقه... وينك حبيبي ؟ خلصني ... حملني عا جناح شي طير... وخدني لبعيد حتى نسبق المواعيد وانا وانت والعيد والحلم البعيد.

#كتاب

0 views