Search
  • Jamil Doaihi

كلادس القزي: طير السلام ما بيتعب


مرقتْ من حد البيت هاك اليوم...

ومن نظره غرقت بغرامو... قلت يا حلو: صباح الخير والورد والياسمين

وكانو تيابي مخزقين

ما عرفني ...

حتى ما تطلع فيي

ولا سلم عليي... وعند ما تلاقو عيوننا

حبيتو...

والضحكه الحلوه قالتلي:

اليوم عيد يا حلوه الحلوين... وفنجان قهوه عند الصبحيه

ما رح إخسر شي

ويمكن اربح دقيقة حنيه

ولا يبقى يهرب مني عا بلاد بعيده

ولا يتركني حبيبي ...

حبيت قلو إني بحبو كتير

بس خجلت من حالي

وصرت إحكيلو عن حياتو

وقلتلو: قدامك طريق طويله

وإنت فزعان كتير من بكرا

وبكرا كلو فرح ومحبه...

والفرحه بتكبر وبتزيد

لانو كل يوم بحياتك عيد...

احلام كتيره بفكرك...

وقدامك سنين مليانه حب... وهالبنات الحلوين

اللي فيك مغرومين

رح يضلو يسألو عنّك

ويصير حديقة زمن الحنين.

إنت طير السلام اللي ما بيتعب ... والفرح ساكن بعيونك

يا أمير الأمرا. ودعتو ومشيت بطريقي ...

ومن وقتها

ما عرفت اذا بعدو بيفكر فيي...

أو اذا صدق شي من اللي حكيتو... ومن بعد مده تذكرني

وبعتلي بالبريد ورقه

رساله زرقا...

ودا إلي صوره هديه

فرحت فيها كتير...

خبيتها بكتابي

وحبستها بقلبي...

ووعدتو إني إكتبلو

كل يوم رساله

تا خبرو عن حنيني

ويبقى يتذكرني عا طول سنيني

ولا يتركني مع خيالي

ومع هاك الطيور الغريبه

تحت الشجره الحزينه.

#كتاب

11 views