Search
  • Jamil Doaihi

الشاعر د. جميل الدويهي: من غيبتِك ضيّعت حالي


صَوتِك، حُضورِك، بسمْتِك لِيّي

ولفْتات أذْكى من الـحَراميّه

وشَوقي لِكي مكتوب عالـرِّمشَين

من هَيك سِهْـرو كْتير عينيّي...

من غَيبتْك ضيّعت حالي وين

وما عرفت وين الدرب عا حَيّي...

عقلي تركني وراح من يومين

بالرُّغم إنّو شغْل إيديّي...

عندي حنين... وما إلي جناحين

تا طِير عالشبّاك صبحيّه

وغَنّي لكِي من الجرح موّالين

وإعملّك من الورد شمسيّه...

مكْتوب لنّو شي سطر... سطرين

يا ناطْره تا نعيش للميِّه...

معقول حِبّك هيك من سنتين؟

ما غمرتِك، ولا انْكرّ خيْط الشال

ولا لقَيتْ بَوسِه تلْبق عْليّي.

#كتاب