Search
  • Jamil Doaihi

كلادس القزي: العاشق المجنون


غطّت يمامه بيضا عا شباكي العالي وقالت: صباح الخير

يا أمير الأمرا صوتها شو حنون ... عن حبيبتي حكيتلي اللي ما عدت شفتها ولا تلاقو عيوني بعيونها... وبعد غياب شهور كلمة "حبيبي" ما سمعت من شفافها الحلوين... كانت حبيبتي تكتب اسمي عا السما الزرقا وغارو مني كل البشر وقالت: أنا بحبك لآخر العمر وكنت لبّسها بلوزه بلون السما وشال عطر الليمون والناس قالو عني: العاشق المجنون... وشو كنت غني لها بصوتي العالي انزعجو أهل الضيعه وكمشني عسكر الملك تحت القناطر... وكان مكتوب عا جبيني

بكحل هاك البنت الحزينه: حبيبي ... أنا بحبك...

وعند ما تعرفت عا الأميره من جنونها جننتني... نسيتْ تعب الايام ... وعذاب الماضي الحزين ... نسيت حالي... وحبيت كون معها تحت خيمة حنين... وتبقي أميرة حبّي

تا يعتقو السنين... وفي مرّه الحبّ عذّبني وقلت: حبيبتي يمكن نسيتني ... وبقيتْ انا والصوره والرسايل القديمه مع ورده حمرا مرسومه بالحُمرا وبعدني ناطر

تا تحن عا الماضي وإقطفلها باقه ورد ومنتور من الجنينه الربيعيّه

اللي فيها ياسمينه

ورفّ طيور وإعطيها إسوارة الشمس هديّه.

#كتاب

6 views