Search
  • Jamil Doaihi

كلادس القزي: شو عملت أنا؟


أمرني حبيبي ما احكي مع حدا ولأنّي بحبّو سمعت الكلمه تحيرت بفكري وفزعت إسأل: شو عملت انا؟ صارت القصه تكبر بعقلي وحسيت من عيونو في مشكل كبير ويمكن غار من شاب حلو ساكن بالجيره. انحبست بغرفتي وما طلعت لبرا وصرت متل المجنونه خبّط عا الحيطان وحبيبي بقي حيران وصرت اكتب قصص وحكايات وارسم عصافير وفراشات حتى الحبر تعب مني والقلم نشف دمعو وهربو الوراق والحكايات . ولأول مره تمنيت إبقى وحيده بالغرفه بعيده عن البشر وناطره طلوع الفجر ناطره الفرج والغيره تنمحى وحبيبي يرجع إلي ويتذكر إني بحبو ورح ضَل إسال حالي كل يوم: شو عملت انا؟ يمكن لأني حلوه ومهضومه وقلبي طيب كتير بيصير كل يوم مشكل كبير.

#كتاب

14 views