Search
  • Jamil Doaihi

كلود ناصيف حرب: سيمفونية حضورَك


‎هيدي وردة روحي لروحك...

يا ساكن بقلبي وروحي

وعطر الورده أنا

بربيع إيامك ولياليك...

وكلما شفتك

نظره من عيوني بتقلك:

هيك بحبّ عيونك...

وبحب إتلاقى فيك...

كنت اعرف انو الحب ما الو لون...

وبس شفت لون عيونك

صار الحب الوان.

والصبح ما كان الو صوت

قبل ما اسمع همسة حنينك...

والغابة اللي حد النهر

ما كان فيها شعور...

وهلق كل شجره...

كل نسمه...

وكل نقلة عصفور

عا غصن اخضر

هني سيمفونية حضورك بقلبي

وهيك بحبك.

عطاني حبيبي ورده

خبيتها بتيابي...

وسالوني عنها صحابي

قلتلهن: وردة حبيبي

وعطر ذكرياتي

وكيف ما بحبو انا...

وهوي قمر حياتي؟

#كتاب

10 views