Search
  • Jamil Doaihi

كلود ناصيف حرب: يخليلي قمر ضحكتك


بقطفلك بس

ورده من عالم السحر

تا تخبرك بعطر جديد

انك قمري الوحيد.

متل هدوء عيونك

شجر عا مد النظر

ونهر غميق كتير

وانا وانت عالمرايه

صورة اميره وامير.

والسما الزرقا

كتبت عالورقه:

هيك انا بحبك.

متل ما بيفيض الفرح

من كاس المحبه

وبينسكب الحلم بلون الزهر

وبيشهد الورد

اني كثير من العطر

والأشواق...

هيك بفكّر فيك

وهيك بيشرح لك الحنين

كيف بحبك.

رح ابعتلك حلم من عندي

تا تسمع صوتي

وتشوف عيوني المشتاقين...

يخليلي قمر ضحكتك

يا قمر الحنين.

#كتاب