Search
  • Jamil Doaihi

د. جان توما لجميل الدويهي: مخدتك لبنان


الاديب د. جان توما في تقديم الاديب المهجري د. جميل الدويهي

في لقاء الأحد الثقافي- طرابلس مطعم الجزيرة ٣٠ اب ٢٠١٩

جايي من رمح السيف

من عطر الليل

من عشاق الشتي

وسفر الخيل

والورد ووراق الشجر

وموج الصيف

جايي حامل بإيدو محبرة

يخرطش ع الحيطان

حكايات العمر

يرسم الحلوين السمر

بحبّات صلا المبخرة.

كتب بالعامية

بالموسيقى

بالفصحى

كذدر بقادوميتها

العتيقة

شفتو من سنين

باللويزة الجامعة

حامل كتاب

وبشارة كلمي سارّة

وشفتو اليوم

من بعد غياب

حامل بايديه

محيط

جزيرة

وقارّة.

عم يكتب أشعار

بيجمع بهالكتّاب

حجار فوق حجار

ت يعمّر

ادب مهجري

وعم ينمى

هونيك

ولو بعدو طري.

من هونيك

باستراليا

بآخر الدني

زرع وردة أدب

وشعر وسوسني

وكل ما كبر “جميل” بالعمر سني

بيرجع شب ع أرض الولدني.

هون كانت حياتو

وهون كتبت دياتو

وهونيك بيوم من الزمان

ع إيديه رجع المجد المكتوب

رجع معه نعيمة وجبران

ت العربي يبقى رفيق الورقْ

وع الكتابة ما حدا يتوب

خلي الورقْ

ت العمر يبقى

والقمر ما ينسَرَق.

جميل الدويهي

استراليا

مرجوحتك

من زمان

بس مخدتك

اسمها لبنان.

#كتاب

0 views