Search
  • Jamil Doaihi

كلود ناصيف حرب: ابتسامه بعيوني


أجمل شي بالربيع

هوّي إنت...

وأحلى شي بالعطر

همساتك.

عيوني فيهن حكي...

كل شعر حلو

كل همس حلو

ما قدرت قولو...

هوّي سكوت

وابتسامه بعيوني.

زمن قصايد الربيع...

ومن تحت العريشه

عم لوّحلك بشال الحرير...

وقلك مع زهر اللوز

وعطر الورد والياسمين:

يا حلو

وين الكلام الحلو؟

ورح ضل شمّ رسايلك

وضمها لقلبي...

وقلك يا قمر:

لا تغيب عن بالي

يا غالي

خلّيك حدّي

وبعتم الليالي...

وكلّ صبح وعشيّه

طل عليّي

تا يبقى الفرح بعينيّي.

#كتاب

9 views