Search
  • Jamil Doaihi

كلود ناصيف حرب: للحنين عطر


رسالة حبّ

فيها اسرار غميقه...

ببعتها لعندك...

يمكن تخبرك كل الحقيقه

وتقلك: هيك انا بحبك.

كل فرح بغيابك

بيكون فرح الكذبه.

قمر الصبح

وعيون مليانين احزان

بيحاكو قلبي...

جوز معلمين

بيعلموني السهر والحرمان.

ناطره يا زمان

عا شط بعيد

تا يرجع حبيبي...

والسفينه فيها ناس كتار

كبرو من مبارح لليوم

والنطره عم تكبر

قد البحر واكتر...

تاري السفينه

متل الايام الحزينه...

لا رجعتلي عيونو الحلوين

ولا قال نحنا مشتاقين...

ويمكن بالبحر تغرق هالمدينه.

بتعرف انو للحنين عطر؟

بيسرح عالشبابيك بالليل...

بيفوت عالاحلام...

وبس شوفك باحلامي

رح اهديك من عطر قلامي

لانك فرح عمري

وقصيدة خلود

يا خلود ايامي.

#كتاب

10 views0 comments