Search
  • Jamil Doaihi

كلود ناصيف حرب: حنين باللون الأزرق


لبستْ لون البحر

قد ما عندي اسرار...

والسر الكبير انت.

صورة حنين باللون الازرق

والحب اللي بيخلق

مع كل فجر بيخلق...

ولا يوم بيعتق.

كم مكتوب بعتلك؟

يمكن مرسال الهوى

ضيع العنوان..

يمكن انبحّت قيثارة الحنين...

وناطره أنا تا يفتّح الياسمين

وترجع تقللي

إنّك اشتقتلي

وما بتنساني عا طول السنين.

وردة حمرا غيرت حياتي

حبيتك كتير

وراضيتك كتير...

لأنك الأول والأخير...

ما بتفرق معي شو صار

المهم اني كنت معك

ولو كنت عنّي بعيد

وأنا ما بترك رسايلك الحلوين

وبكل عيد

بفلفش بوراق منسيه

خبيتهن بقلب المزهريه

وبرجع للإيام والذكريات...

وبقشع صورتك بين السطور

وبسمع صوتك

عم بيقول إسمي...

وعم يسأل عليّي.

مع طير الاشواق

بيسلم عليك

قلبي المشتاق.

#كتاب

5 views