Search
  • Jamil Doaihi

كلادس القزي: قمر الليالي والحارس


كل ما قرب صوبك

بتتغنج

بجرب راضيك

ما بتقبل

برسم عا السما الزرقا

قلبين حلوين

بتزعل

وبتكون الآمر والناهي

وبقلك : بتمون

يا أمير الليالي...

ورده حمرا

بقطفلك

تا إهديها بعيدك

مع دمعه فرح

وبقول:

يمكن يطل الفرج

آخر همك

بلاقي منك

وبتغيب مع شمس المغيب ...

وصار البحر يحكي أسرارنا

وكيف تلاقينا؟

ويخبرك حكايه الموجات

وحكايه المراكب مع البحَّارة

تا يراضينا...

بتصير تتغنج اكتر واكتر

وما بدك تحكيني

وصلت حياتي للنهايه

من جنونك

حبيبي

يا قمر الليالي

ويا حارس الليل

قللي يا عنيد

إذا بتريد

كيف براضيك؟

#كتاب

11 views