Search
  • Jamil Doaihi

كلادس القزي: فستان أسود بيلبق عليّي


عزمني حبيبي

عا سهره من العمر

قلي :

فستان أسود بيلبق عليكي

ولونو حلو متل رموش عينيكي ...

تزينت متل الأميره

والقمر غرق بجمالي

وعيون أميري

ما تطلعو فيي...

هربتْ عا قلعه زغيره

حبست حالي أنا وخيالي

وكتبت قصيده ما بتخطر عا بالي...

جن جنونو

وغضب عليي

كيف تغزلت بأمير الليالي...

وبغيابي اشتقلي

وقال: بدو يزورني

عربش عا اعلى جبل

وشم عطر الزنبق من بعيد

من فستاني الأسود

العاصدرو زهرة ليلكي...

وقال: لازم ترجعيلي

يا أميرتي الحلوه

وما بقى تتركيني

أو بقتل حالي

تا تضل تبكي الياسمينه ...

وعندما غمض عيوني

بيفيق الحنين من عبير الياسمين

ومن عيونك الحلوين ...

***

قلت:

وقت اللي قلبي راح تا يزورك

ما سألت عنو...

ضل حزين شهور

وبقي كل الليل يغني

يا عيني عالعاشقين:

متل شحاد ناطر عا الطريق ...

متل طفل زغير مشتاق لحضن إمو ...

متل طير الشتي مشتاق لدفا الصيف ...

عندي شرط زغير

تا إرجعلك:

حبيبي

ضلك غنيلي أغاني رفيقه

وتغزل بعيوني

اللي متل بحور الغميقه

وما تهتم بالحلوين

تا نبقى أنا وإنت وحدنا

نسهر عا شبّاك الحنين.

#كتاب

6 views