Search
  • Jamil Doaihi

كلادس القزي: سنه جديده عالبواب


سنه بتمضي

وسنه جديده بتطل

والحياه صعبه

عا فراق الحبيب ...

رجعو عقارب الساعه بالمقلوب

وأنا عم قول: يمكن يطل حبيبي

قبل ما تخلص السنه

ما لقيت حدا واقف عا بابي

الا هوا الشتي

وطلع غلطان بالعنوان ...

مرقت السنه

متل ما مرقو سنين قبلها...

وجع وقهر وجوع ببيوت الحقيقه

وأطفال مشرده عا طرقات المدينه ...

ومن غياب حبيبي

اسودت الدني بوجهي

والضحكه هربت مني

وبقيت حزينه

وقَعَدت تحت الياسمينه...

بركي مرق بحبيبي

ورجع كرمالي أنا...

هيدا حلم

هديه من السما

حبيبي يقطف إلي زهره بيضا

متل قلبو

بأول يوم من السنه...

أول ليله من العيد

رح كون أنا وحبيبي؟

إغمرو وأرقص معو

وشوشو وقلو:

إنت روحي

وقلبي

وحياتي

وإنت وحدك أميري

وعند ما تدق الساعه بنص الليل

نطير من الفرحه

يغمرني ويطبع بوسه بالعتمه

وزمامير ومهرجان

وتعلى الهيصه بين الأحباب

بسنه جديده عا البواب.

#كتاب

0 views