Search
  • Jamil Doaihi

كلود ناصيف حرب: عطر ياسمين صباحك


حديقة أشواق

ونهر حنين...

ولا تنعسو يا عيون مشتاقين.

شو همني من التلج؟

ليلة عيد...

وأنا وإنت

ودفا المواعيد.

صباح ميلادي

ومعروفة حنين

رقيقة متل نظره

من عيونك الحلوين.

عطر ياسمين صباحك

غمر الدني...

رغم التعب والسهر

بيضل نغم صوتك

يسرح بالغابات...

ويرج الصدى

بالقلب الحزين...

وإلك وحدك

كلمات من أعماق الحب

أساور حنين.

ضل ابعتلي نغم

عا وتر الحنين...

وصوتك هديل حمامه

عا براج الياسمين.

جمال صباحك....

بيطل النغم كل ما طليت...

وبنطر عطر همساتك

متل ما بنطر العيد...

ونظره من عيونك عا جسمي

فستان جديد.

#كتاب

0 views