Search
  • Jamil Doaihi

كلود ناصيف حرب: همسه أغمق من البحر


كلّ مرّه بسألك:

إيه وين الكلام؟

مرقت سنه وبعدها سنه،

ونطرتك عا بواب النسيان

بركي شي حرفين...

شي همسه رقيقه...

ما شفت غير هالابتسامه

وبوسه من بعيد...

وهيك بيروحو السنين

وبيروحو المواعيد

وما متلبس من عند الخياطين

كلام جديد.

صوتك ليلة العيد

وجراس بترنّ

وهمسه أغمق من البحر

فيها سحر:

كل عيد وحبيبي قمر

بيضوي الحروف.

كنت مشتاقه لكلمة منك

من حرير ومن عبير...

الليل بيخلص

وكلام القلب ما بيخلص...

وشو بدي قول تا قول

وحنبني ؟لك فوق المعقول؟...

وهيك أنا بحبببببك.

#كتاب

7 views