Search
  • Jamil Doaihi

كلادس القزي: هلقدّ حبّيتك


لمّا التقيت فيك

قلت: جنّنتك

وصرلي شهور

عم فتّش عليك

ما لقيتك...

قلت بقلبي:

يمكن هربتْ عا ضيعه منسيه

تا ما قلّك: هلقدّ حبّيتك.

القمر ساكن تحت القناطر

وأنا عم إسأل:

وينَك يا أمير هربان مني؟

وأنا صرتْ نجمه منسيّه

وقعت من السمّا

ودقّتها البَرديّه.

حبيبتي

الحبّ مش بالإيد

وَيَا ريت فينا نتلاقى

ولو صُدفه

ويزلغط لنا العيد

وعمّر لكي قصر بالمملكه

وتصيري إنتي الأميره

ويفرحو المواعيد...

والأميره ناطره

مشتاقه

شي غمره

بوسه

ضحكه

نسمة هوا

من عطر البنفسجي

وتغمر قلبك اللي كلو حنان

تا يصير بالضيعه مهرجان

وتقلي: هلقدّ حبيتك

والصبايا يغنّو

تحت الشجر العالي

والقمَر عا الجسر القديم

ما يعود ينام.

#كتاب

22 views