Search
  • Jamil Doaihi

كلود ناصيف حرب: خلّيك بعد شوي


ع الموعد بعدنا ناطرين...

سلامك المن عطر الياسمين

يا قمر الحنين.

عم فتّش بدفتر الذكريات

بتحاكيني صورتَك

من خلف الغياب...

وبلاقيك بجنينة المواعيد...

وبقلّك: اعطيني من بسمة عيونك

إسواره

تا إلْبسها بالعيد.

خلّيك بعد شوي

تا نسهر بخيمتنا...

ما بحبّ تطلع الشمس

وتخْلص حكايتنا...

هالليل شو طويل

تا يرجع صوتك...

ما بعرف قديش رح إنطر

عا الجسر الوحيد

مطرح ما سرقتْ خيط من شالي

وهرب فينا الليل

عا مطرح بعيد.

ابتسامة برقّة الياسمين

والعيون موّالين للسفر...

وهيك أنا بغرق

بين العطر وبين السحر...

يا مركب خدني لعند حبيبي...

ببلاد الغريبه...

تا قلو قدّيش بحبّو...

وإكتب عا جبينو

بالخطّ الأحمر

وما بتنْمحى الكتيبه...

#كتاب

5 views