Search
  • Jamil Doaihi

كلود ناصيف حرب: عيون مشتاقين


رح تبقى حروفي

نغْمات عا قيثارة حنين ...

وتراتيل من عطر الياسمين ...

عيونك نغم نهاوند...

وابتسامتك معزوفة عود

والناطر عالمفرق ناطر...

لا الزمان بيوقف

ولا بيفرح الموعود.

شمعه مضويه

عا طول الإيّام...

وعيون مشتاقين

لقمر الحنين

اللي ما بيغفا ولا بينام.

تسلم يا حلو

ساكن بقلب عيوني...

ومن وقتها ما غفيو عيوني...

كل الناس بيحبّوك...

ومني بدهن ياخدوك...

وإذا قلت: هيك بحبك...

بيلوموني؟

إذا كنت مسافر لبعيد

بركي بالغفا بشوفك

وبحكيلك بالسر

عن أشواقي

يا عمري اللي باقي.

عيونك أبجدية حروف...

معلم بيكتب عالقلب

ونحنا ما منتعلّم...

مناخد صفر ومنوقف عالحيط...

نظام قاسي

بس معليش...

كرمال عيونك كل شي بيحلا

يا الإنت من الدني أحلى.

#كتاب

19 views