Search
  • Jamil Doaihi

مريم رعيدي الدويهي: غريبه عن ذاتي


النسمه اللي صوبي جايي

من ورا حدود الزمان

وعا جناحها ما في رساله

بالشوق وعطر الياسمين مكتوبه

ولا عطيِتْني حنين الماضي

شو لها عندي؟

لا همسه فيها

ولا صدى من أحبابي

تا شرّع لها بوابي.

كلّ نسمه بتوصل لعندي

من هاك الحفافي

ومن زهر اللوز الغافي

بتوعّي قصص منسيّه

وبتشْلحني بمطارح بعيده

وعا جبال ما بتنطال

لابسه بلوزه ربيعيّه...

وهلّق أنا بغابة النسيان

بمشي أنا وأفكاري

وطريقي سراب

غريبه عن ذاتي...

وهاك القمر عنّي بعيد...

كنت زغيري

وكان ينزل من السما...

ويلبّسني فستان جديد

وهلّق ما بقدر طالو بالإيد.

#كتاب

4 views