Search
  • Jamil Doaihi

مريم رعيدي الدويهي: ابريق من فخّار


ابريق من فخّار

صرلو زمن ناطر

وعا نار الشوق عم يغلي...

وريحة الشاي بتفُوح

وبتتجوّل عالسكّيت

بزوايا البيت...

عطر السنين

والذكريات الغاليين

وطيب الجلسات...

وبتسكب الحلوه

بالفنجان

حكاية عمر هربان...

وبعدو بيخطر عا بالي

شفّه ورا شفّه بيسقينا

نبع حنين بيروينا...

ولو طال المشوار

وعالشطّ البعيد صرنا...

هونيك عالموقده

ابريق من فخّار

بيضلّ يتذكّرنا...

#كتاب

3 views