Search
  • Jamil Doaihi

كلادس القزي: ما عندي صديق


عايشه وحيده

ونفسي حزينه

ما عندي صديق

ولا عندي رفيق

وشوشو أسراري

وخبرو أخباري .

كان يا ما كان

من زمان بعيد

كان عندي صديق

سافر عا العيد

ونسي قلبي والمواعيد ...

كل يوم كنت قدملو ورده

وضويلو شمعه

حتى النور يحرسو

ويفتح إلو طريقو

ويعيش بسعاده كل إيام حياتو ...

وهلق زعل مني

وهرب عا بلاد بعيده

وتركني بالغابه وحيده

يمكن يخطفني الحرامي

ويحبسني بقلب البيت العالي

ورا الغيم الأبيض...

ما عندك فكره

قديش صعبه النطره

لا حبيبي بعت مكتوب

ولا حن عليي ،

وقلت بقلبي :

معقوله قلبو من حديد

ما بيسأل عني

وكيف قسيت الإيام عليي؟

معقول ينسى الماضي

والإيام الحلوه اللي بيننا ؟

ومعقول يمحي القصص وصورنا ؟

ومن زعلي

زعل الطير اللي بالسما

وصار حزين كتير

وتا يراضيني

كان يدق عا شباكي

تا يغني إلي

ويفرحني...

كل البنات بالحاره عم يضحكو

إلاّ أنا

لأني خسرت أميري

اللي كان من زمان وحدو صديقي.

#كتاب

7 views