Search
  • Jamil Doaihi

كلادس القزّي: ما حدا بيشبهو


كلما قرّرت ما عود حبّو

وإبعد عنو

بيطلعلي خيالو

قدام عيوني بيحرقصني...

بجرب إهرب منو

ما بيتركني

بيضل يعذبني...

ولوين بدي روح ؟

والله رح تطلع الروح ...

إذا روحي هلقدّ بتحبو

وبتقول : ما حدا بيشبهو

لا القمر

لا الورد

لا البشر

بس قلبي وحدو بيشبهو...

ليل نهار

بكتب كلام

وبتمرق الإيام

وبضلّ إتغزل بعيونو الحلوين

اللي عا الجسر من سنين حيرانين ...

وإذا مره تذكرت

كيفو حبيبي؟

ما بلاقي

الا الدمعه نزلت عا حروفي.

الفرق بيني وبينو

إنو هوى عايش عا المريخ

وأنا عا كوكب تاني

لا بيقدر يجي لعندي

ولا بقدر روح لعندو

وأيمتى منتلاقى ؟

يمكن بالخيال

وهيدا سر من الأسرار

ومين بيداوي لي جرحي؟

ما حدا إلاّ حبيبي

بسكر من حبو

هوى وحدو بيشفيني

ومن عطرو بيرويني.

#كتاب

7 views