Search
  • Jamil Doaihi

مريم رعيدي الدويهي: ساحر


كان في ساحر بالمدينه

والناس بالساحه متجمّعين...

ومن ألْعابو الخفيّه متعجّبين...

بغفله سرقني

وحطّني بصندوق الدهشه

وصرت حكايه منسيّه

وبالعتم مرميّه...

وصار الساحر يتنقّل

من مدينه لمدينه

وقال بدّو يبيعني

وأنا ما بحكي

بسّ عيوني حزينه...

وما حدا كان معو دهب

تا يشتري البنت الغريبه

اللي لابسه تياب الليل...

وإسوارتها من ورق الخريف...

ولمّا وصلنا عا قصر كبير

اشتراني ابن الأمير

وأخدْني عا برج عالي كتير

ولمّا فتح الصندوق

سألني عن بيتي وعنواني

قلت: أنا جايي

من بلد تاني...

وما بملك من عمري

إلاّ ذكرياتي الغاليين

ومراية أحزاني.

#كتاب

4 views0 comments