Search
  • Jamil Doaihi

مريم رعيدي الدويهي: موعد حَرامي


بجنينِه مْسيّجه بالعطْر

وزهر الليلكي...

كان الشوق ناطر

تا يوصَلو عشّاق تنَين...

ويقعْدو سوا

هنّي والهوى...

وورده جوريّه

هربت من الصبحيّه

وسبقتهن عالمقعد...

لكنْ ضاعت الصُّدفه

وتأخّرو عالطريق البعيده

وراحو عا غير مطرح

والوقت تجرّح...

شال العبير

كان رح يطير

مع الريح الجبليّه

وطيور كانو عم بيغنّو

تركو الغنيّه...

ومرجوحة مواعيد

سألت عن الحلوين

لا خبر عنهم

ولا همسة حنين...

من وقتها

الجنينه قلعتْ توبها الأحمر

بعد ما تعبت

من الضجر والنطره...

وهاك الحكايه

المكتوبه بحبر الدوايه

انتهيت متل الفكره

وصارت للإيّام ذكرى.

#كتاب

7 views