Search
  • Jamil Doaihi

كلادس القزي: صدّق الحكايه


قالو لحبيبي:

شو بدك منها

ما تحكي معها

وما تكتب لها

وتنسى إنك بتحبها...

صدَّق الحكايه

وتركني لحالي

لا رساله وصلت إلي

وكلمه عا جبين القمر ما كتب

ووما بقي معي

غير الحسرة والعتب.

وبيسألوني ليش عم إبكي؟

كنّا عشاق زغار

ولمّا صرنا كبار

الهوا ضيعنا

والنَّاس شو حسدونا

وصرنا حكايه منسيه

بلشت من شي خبريه

ورا البيت العتيق

بالضيعه الجبليه.

شو ها الزمان

اللي وصلنا إلو

اللي كلو حيره وغيره؟

رزق الله عا الحب

والأحلام

والآمان

وأجمل إيام زمان...

من غمزه عيونو

كنت إفهم شو بدو

ودخيل عيونو الحلوين

اللي بيتْطلّعو شمال ويمين

عا طول

كنت ضيع بالغابه

وكان يلاقيني

وعا النهر كان يقلي:

إنتي ملاكي

وكيف احتليتي قلبي؟

والقمر بالعالي شو بيشبهك!

وأنا حدّك مجنون فيكِي ...

ومع كل أسرارو

وأخبارو

ها الشب الحلو

بعيوني حلو

ويا إمي

رح ابقى معو

واللي بيغارو يغارو.

#كتاب

4 views