Search
  • Jamil Doaihi

كلود ناصيف حرب: حروفي لعيونك خيمِه


لو ما كنت...

إنت اللي كنت

ساكن حدّي

وصوتَك لبعيد بيودّي...

إنت فرحي وأحزاني

بيتي وعنواني...

كلّ شي بحبّو فيك ...

حنينك

غضبك

سكوتك

همسك....

وبسأل حالي:

قدّيش رح موت

لو مرّه بتنساني؟

... وهيك انا بحبك.

حروفي لعيونَك خيمه

وهمسة حنان...

بعيد إنت

وما بعرف لمسة إيدك...

ولا بسمع كلمه...

وختيرو الإيّام

وعم نكبر نحنا متل الموجه

ويمكن نتكسر

عا شطوط الزمان

اللي ما إلو أمان...

بس قلبك بيحكي

وبيعرف العنوان

وبيقول: هيك أنا بحبِّك.

بسّ غمض عيوني...

بشوفك بالصلا

يللي عيونك صَلا.

#كتاب

1 view