Search
  • Jamil Doaihi

مريم رعيدي الدويهي: لو كلمة يا ريت


صرلك زمن يا عمر

بتروح منّي

وما بتسأل عنّي...

ما بقدر إلحقك

والخيل متل الليل

عم تركض بالحراش البعيده...

لو بْتوقف شي مرّه عالمحطّه

أو إلتقي فيك

عا مفرق طريق

وتردّني شويّة سنين

وتنساني هونيك

بالضيعه الجبليّه

ويفرحو عينيّي

حدّ مرجوحة ياسمين...

بعدْني ناطره عا جسر المدينه

بركي منرجع سوا

عا دراج البيت

وسطيحات كنت معها إنسى حالي

ولاحق طيّارة ورق

فوق الجبل العالي...

وياخدها الهوا

وتغيب وحاكيها بالوما

وما تردّ عليّي

وينشغل بالي.

لو كلمة يا ريت

بتكون هيّي الحقيقه

تا نرجع ولاد زغار

وما نعود نكبر بقلب حكايتنا

والشمس تطلع من ضحكتنا...

ويضحك لنا المشوار.

#كتاب

0 views