Search
  • Jamil Doaihi

مريم رعيدي الدويهي: يصير العطر مرجوحه


بمناسبة الزيارة إلى لبنان

14 آب 2019

لورا البحور

أخدتنا المسافات

والأشواق حملتنا...

ورجِعنا للأرض اللي حبّتنا

تا نلاقي الذكريات الغاليه

والشمس تغزل لنا حرير

وتلبّسنا...

كان حلم يخطر ببالي

طُول الليالي...

وكنت مشتاقه

تا أغمُر ناس

متل ما بيغمر الصبح

عصفور الحقالي...

وعالجسر نمشي أنا ويّاك

مطرح ما كنّا نلتقي...

ونحكي حكايات الإيّام اللي راحو

من العمر راحو...

والورده اللي زعلت عالطريق

من بعد ما رحنا

وانكسرو جوانحنا

تلبس تياب جديده

ويصير العطر مرجوحه

وشفافنا قصيده...

#كتاب

0 views