Search
  • Jamil Doaihi

كلود ناصيف حرب: بتعْطيني حلا منَّك


أنا الفلاّحة الزغيره

اللي صارت أميرة.

يخليلي هالحلو...

وكل شي فيك

أحلى من الحلو...

ومنل القطر إنت

بخاف تدوب

عا إيدين المحبوب.

حبي إلك يا حبيبي

فرح وعذاب...

متل الحبر إسود

بس بيضْوي عا صفحة كتاب.

فيي ما كون حلوه

وأنا حدّك؟

إنت بتعطيني حلا منّك

متل الكهربا...

عيونك إنت إنت

بالحبّ صابوني.

يا ريت الزمن بيرجع

ونحنا منرجع معو...

تا كون إلك.

مرقو سنين وسنين...

وبعدنا تحت الشتي ناطرين...

وناطرين.

#كتاب

0 views